Bhaktivedanta Library


Biblioteca Inicio Śrīla Prabhupāda ISKCON Idiomas English Español Pусский Português English - Español English - Pусский English - Português Español - Pусский Español - Português Pусский - Português Autores Libros Básicos Referenciales Ensayos Narrativos de los Ācaryas Filosóficos de los Ācaryas De Śrīla Prabhupāda Los Grandes Clásicos Sobre Śrīla Prabhupāda Narrativos de discípulos de Prabhupāda Filosóficos de discípulos de Prabhupāda De la segunda generación Publicaciones periódicas Toda la biblioteca Sitios Templo Virtual de ISKCON Istagosthi Virtual Calendario Vaiṣṇava Kṛṣṇa West

Śrīmad-Bhāgavatam
Canto 7 - La Ciencia de Dios
<< 3 - El plan de Hiraṇyakaśipu para volverse inmortal >>

Indice

Transliteración

Devanagari

Descripción


7.3.1		śrī-nārada uvāca hiraṇyakaśipū rājann ajeyam ajarāmaram ātmānam apratidvandvam eka-rājaṁ vyadhitsata
7.3.2		sa tepe mandara-droṇyāṁ tapaḥ parama-dāruṇam ūrdhva-bāhur nabho-dṛṣṭiḥ pādāṅguṣṭhāśritāvaniḥ
7.3.3		jaṭā-dīdhitibhī reje saṁvartārka ivāṁśubhiḥ tasmiṁs tapas tapyamāne devāḥ sthānāni bhejire
7.3.4		tasya mūrdhnaḥ samudbhūtaḥ sadhūmo ’gnis tapomayaḥ tīryag ūrdhvam adho lokān prātapad viṣvag īritaḥ
7.3.5		cukṣubhur nady-udanvantaḥ sadvīpādriś cacāla bhūḥ nipetuḥ sagrahās tārā jajvaluś ca diśo daśa
7.3.6		tena taptā divaṁ tyaktvā brahmalokaṁ yayuḥ surāḥ dhātre vijñāpayām āsur deva-deva jagat-pate daityendra-tapasā taptā divi sthātuṁ na śaknumaḥ
7.3.7		tasya copaśamaṁ bhūman vidhehi yadi manyase lokā na yāvan naṅkṣyanti bali-hārās tavābhibhūḥ
7.3.8		tasyāyaṁ kila saṅkalpaś carato duścaraṁ tapaḥ śrūyatāṁ kiṁ na viditas tavāthāpi niveditam
7.3.9-10		sṛṣṭvā carācaram idaṁ tapo-yoga-samādhinā adhyāste sarva-dhiṣṇyebhyaḥ parameṣṭhī nijāsanam tad ahaṁ vardhamānena tapo-yoga-samādhinā kālātmanoś ca nityatvāt sādhayiṣye tathātmanaḥ
7.3.11		anyathedaṁ vidhāsye ’ham ayathā pūrvam ojasā kim anyaiḥ kāla-nirdhūtaiḥ kalpānte vaiṣṇavādibhiḥ
7.3.12		iti śuśruma nirbandhaṁ tapaḥ paramam āsthitaḥ vidhatsvānantaraṁ yuktaṁ svayaṁ tri-bhuvaneśvara
7.3.13		tavāsanaṁ dvija-gavāṁ pārameṣṭhyaṁ jagat-pate bhavāya śreyase bhūtyai kṣemāya vijayāya ca
7.3.14		iti vijñāpito devair bhagavān ātmabhūr nṛpa parito bhṛgu-dakṣādyair yayau daityeśvarāśramam
7.3.15-16		na dadarśa praticchannaṁ valmīka-tṛṇa-kīcakaiḥ pipīlikābhir ācīrṇaṁ medas-tvaṅ-māṁsa-śoṇitam tapantaṁ tapasā lokān yathābhrāpihitaṁ ravim vilakṣya vismitaḥ prāha hasaṁs taṁ haṁsa-vāhanaḥ
7.3.17		śrī-brahmovāca uttiṣṭhottiṣṭha bhadraṁ te tapaḥ-siddho ’si kāśyapa varado ’ham anuprāpto vriyatām īpsito varaḥ
7.3.18		adrākṣam aham etaṁ te hṛt-sāraṁ mahad-adbhutam daṁśa-bhakṣita-dehasya prāṇā hy asthiṣu śerate
7.3.19		naitat pūrvarṣayaś cakrur na kariṣyanti cāpare nirambur dhārayet prāṇān ko vai divya-samāḥ śatam
7.3.20		vyavasāyena te ’nena duṣkareṇa manasvinām tapo-niṣṭhena bhavatā jito ’haṁ diti-nandana
7.3.21		tatas ta āśiṣaḥ sarvā dadāmy asura-puṅgava martasya te hy amartasya darśanaṁ nāphalaṁ mama
7.3.22		śrī-nārada uvāca ity uktvādi-bhavo devo bhakṣitāṅgaṁ pipīlikaiḥ kamaṇḍalu-jalenaukṣad divyenāmogha-rādhasā
7.3.23		sa tat kīcaka-valmīkāt saha-ojo-balānvitaḥ sarvāvayava-sampanno vajra-saṁhanano yuvā utthitas tapta-hemābho vibhāvasur ivaidhasaḥ
7.3.24		sa nirīkṣyāmbare devaṁ haṁsa-vāham upasthitam nanāma śirasā bhūmau tad-darśana-mahotsavaḥ
7.3.25		utthāya prāñjaliḥ prahva īkṣamāṇo dṛśā vibhum harṣāśru-pulakodbhedo girā gadgadayāgṛṇāt
7.3.26-27		śrī-hiraṇyakaśipur uvāca kalpānte kāla-sṛṣṭena yo ’ndhena tamasāvṛtam abhivyanag jagad idaṁ svayañjyotiḥ sva-rociṣā ātmanā tri-vṛtā cedaṁ sṛjaty avati lumpati rajaḥ-sattva-tamo-dhāmne parāya mahate namaḥ
7.3.28		nama ādyāya bījāya jñāna-vijñāna-mūrtaye prāṇendriya-mano-buddhi- vikārair vyaktim īyuṣe
7.3.29		tvam īśiṣe jagatas tasthuṣaś ca prāṇena mukhyena patiḥ prajānām cittasya cittair mana-indriyāṇāṁ patir mahān bhūta-guṇāśayeśaḥ
7.3.30		tvaṁ sapta-tantūn vitanoṣi tanvā trayyā catur-hotraka-vidyayā ca tvam eka ātmātmavatām anādir ananta-pāraḥ kavir antarātmā
7.3.31		tvam eva kālo ’nimiṣo janānām āyur lavādy-avayavaiḥ kṣiṇoṣi kūṭa-stha ātmā parameṣṭhy ajo mahāṁs tvaṁ jīva-lokasya ca jīva ātmā
7.3.32		tvattaḥ paraṁ nāparam apy anejad ejac ca kiñcid vyatiriktam asti vidyāḥ kalās te tanavaś ca sarvā hiraṇyagarbho ’si bṛhat tri-pṛṣṭhaḥ
7.3.33		vyaktaṁ vibho sthūlam idaṁ śarīraṁ yenendriya-prāṇa-mano-guṇāṁs tvam bhuṅkṣe sthito dhāmani pārameṣṭhye avyakta ātmā puruṣaḥ purāṇaḥ
7.3.34		anantāvyakta-rūpeṇa yenedam akhilaṁ tatam cid-acic-chakti-yuktāya tasmai bhagavate namaḥ
7.3.35		yadi dāsyasy abhimatān varān me varadottama bhūtebhyas tvad-visṛṣṭebhyo mṛtyur mā bhūn mama prabho
7.3.36		nāntar bahir divā naktam anyasmād api cāyudhaiḥ na bhūmau nāmbare mṛtyur na narair na mṛgair api
7.3.37-38		vyasubhir vāsumadbhir vā surāsura-mahoragaiḥ apratidvandvatāṁ yuddhe aika-patyaṁ ca dehinām sarveṣāṁ loka-pālānāṁ mahimānaṁ yathātmanaḥ tapo-yoga-prabhāvāṇāṁ yan na riṣyati karhicit

Dona al Bhaktivedanta Library