Bhaktivedanta Library


Biblioteca Inicio Śrīla Prabhupāda ISKCON Idiomas English Español Pусский Português English - Español English - Pусский English - Português Español - Pусский Español - Português Pусский - Português Autores Libros Básicos Referenciales Ensayos Narrativos de los Ācaryas Filosóficos de los Ācaryas De Śrīla Prabhupāda Los Grandes Clásicos Sobre Śrīla Prabhupāda Narrativos de discípulos de Prabhupāda Filosóficos de discípulos de Prabhupāda De la segunda generación Publicaciones periódicas Toda la biblioteca Sitios Templo Virtual de ISKCON Istagosthi Virtual Calendario Vaiṣṇava Kṛṣṇa West

Śrīmad-Bhāgavatam
Canto 7 - La Ciencia de Dios
<< 14 - La vida familiar ideal >>

Indice

Transliteración

Devanagari

Descripción


7.14.1		śrī-yudhiṣṭhira uvāca gṛhastha etāṁ padavīṁ vidhinā yena cāñjasā yāyād deva-ṛṣe brūhi mādṛśo gṛha-mūḍha-dhīḥ
7.14.2		śrī-nārada uvāca gṛheṣv avasthito rājan kriyāḥ kurvan yathocitāḥ vāsudevārpaṇaṁ sākṣād upāsīta mahā-munīn
7.14.3-4		śṛṇvan bhagavato ’bhīkṣṇam avatāra-kathāmṛtam śraddadhāno yathā-kālam upaśānta-janāvṛtaḥ sat-saṅgāc chanakaiḥ saṅgam ātma-jāyātmajādiṣu vimuñcen mucyamāneṣu svayaṁ svapnavad utthitaḥ
7.14.5		yāvad-artham upāsīno dehe gehe ca paṇḍitaḥ virakto raktavat tatra nṛ-loke naratāṁ nyaset
7.14.6		jñātayaḥ pitarau putrā bhrātaraḥ suhṛdo ’pare yad vadanti yad icchanti cānumodeta nirmamaḥ
7.14.7		divyaṁ bhaumaṁ cāntarīkṣaṁ vittam acyuta-nirmitam tat sarvam upayuñjāna etat kuryāt svato budhaḥ
7.14.8		yāvad bhriyeta jaṭharaṁ tāvat svatvaṁ hi dehinām adhikaṁ yo ’bhimanyeta sa steno daṇḍam arhati
7.14.9		mṛgoṣṭra-khara-markākhu- sarīsṛp khaga-makṣikāḥ ātmanaḥ putravat paśyet tair eṣām antaraṁ kiyat
7.14.10		tri-vargaṁ nātikṛcchreṇa bhajeta gṛha-medhy api yathā-deśaṁ yathā-kālaṁ yāvad-daivopapāditam
7.14.11		āśvāghānte ’vasāyibhyaḥ kāmān saṁvibhajed yathā apy ekām ātmano dārāṁ nṛṇāṁ svatva-graho yataḥ
7.14.12		jahyād yad-arthe svān prāṇān hanyād vā pitaraṁ gurum tasyāṁ svatvaṁ striyāṁ jahyād yas tena hy ajito jitaḥ
7.14.13		kṛmi-viḍ-bhasma-niṣṭhāntaṁ kvedaṁ tucchaṁ kalevaram kva tadīya-ratir bhāryā kvāyam ātmā nabhaś-chadiḥ
7.14.14		siddhair yajñāvaśiṣṭārthaiḥ kalpayed vṛttim ātmanaḥ śeṣe svatvaṁ tyajan prājñaḥ padavīṁ mahatām iyāt
7.14.15		devān ṛṣīn nṛ-bhūtāni pitṝn ātmānam anvaham sva-vṛttyāgata-vittena yajeta puruṣaṁ pṛthak
7.14.16		yarhy ātmano ’dhikārādyāḥ sarvāḥ syur yajña-sampadaḥ vaitānikena vidhinā agni-hotrādinā yajet
7.14.17		na hy agni-mukhato ’yaṁ vai bhagavān sarva-yajña-bhuk ijyeta haviṣā rājan yathā vipra-mukhe hutaiḥ
7.14.18		tasmād brāhmaṇa-deveṣu martyādiṣu yathārhataḥ tais taiḥ kāmair yajasvainaṁ kṣetra-jñaṁ brāhmaṇān anu
7.14.19		kuryād apara-pakṣīyaṁ māsi prauṣṭha-pade dvijaḥ śrāddhaṁ pitror yathā-vittaṁ tad-bandhūnāṁ ca vittavān
7.14.20-23		ayane viṣuve kuryād vyatīpāte dina-kṣaye candrādityoparāge ca dvādaśyāṁ śravaṇeṣu ca tṛtīyāyāṁ śukla-pakṣe navamyām atha kārtike catasṛṣv apy aṣṭakāsu hemante śiśire tathā māghe ca sita-saptamyāṁ maghā-rākā-samāgame rākayā cānumatyā ca māsarkṣāṇi yutāny api dvādaśyām anurādhā syāc chravaṇas tisra uttarāḥ tisṛṣv ekādaśī vāsu janmarkṣa-śroṇa-yoga-yuk
7.14.24		ta ete śreyasaḥ kālā nṝṇāṁ śreyo-vivardhanāḥ kuryāt sarvātmanaiteṣu śreyo ’moghaṁ tad-āyuṣaḥ
7.14.25		eṣu snānaṁ japo homo vrataṁ deva-dvijārcanam pitṛ-deva-nṛ-bhūtebhyo yad dattaṁ tad dhy anaśvaram
7.14.26		saṁskāra-kālo jāyāyā apatyasyātmanas tathā preta-saṁsthā mṛtāhaś ca karmaṇy abhyudaye nṛpa
7.14.27-28		atha deśān pravakṣyāmi dharmādi-śreya-āvahān sa vai puṇyatamo deśaḥ sat-pātraṁ yatra labhyate bimbaṁ bhagavato yatra sarvam etac carācaram yatra ha brāhmaṇa-kulaṁ tapo-vidyā-dayānvitam
7.14.29		yatra yatra harer arcā sa deśaḥ śreyasāṁ padam yatra gaṅgādayo nadyaḥ purāṇeṣu ca viśrutāḥ
7.14.30-33		sarāṁsi puṣkarādīni kṣetrāṇy arhāśritāny uta kurukṣetraṁ gaya-śiraḥ prayāgaḥ pulahāśramaḥ naimiṣaṁ phālgunaṁ setuḥ prabhāso ’tha kuśa-sthalī vārāṇasī madhu-purī pampā bindu-saras tathā nārāyaṇāśramo nandā sītā-rāmāśramādayaḥ sarve kulācalā rājan mahendra-malayādayaḥ ete puṇyatamā deśā harer arcāśritāś ca ye etān deśān niṣeveta śreyas-kāmo hy abhīkṣṇaśaḥ dharmo hy atrehitaḥ puṁsāṁ sahasrādhi-phalodayaḥ
7.14.34		pātraṁ tv atra niruktaṁ vai kavibhiḥ pātra-vittamaiḥ harir evaika urvīśa yan-mayaṁ vai carācaram
7.14.35		devarṣy-arhatsu vai satsu tatra brahmātmajādiṣu rājan yad agra-pūjāyāṁ mataḥ pātratayācyutaḥ
7.14.36		jīva-rāśibhir ākīrṇa aṇḍa-kośāṅghripo mahān tan-mūlatvād acyutejyā sarva-jīvātma-tarpaṇam
7.14.37		purāṇy anena sṛṣṭāni nṛ-tiryag-ṛṣi-devatāḥ śete jīvena rūpeṇa pureṣu puruṣo hy asau
7.14.38		teṣv eva bhagavān rājaṁs tāratamyena vartate tasmāt pātraṁ hi puruṣo yāvān ātmā yatheyate
7.14.39		dṛṣṭvā teṣāṁ mitho nṛṇām avajñānātmatāṁ nṛpa tretādiṣu harer arcā kriyāyai kavibhiḥ kṛtā
7.14.40		tato ’rcāyāṁ hariṁ kecit saṁśraddhāya saparyayā upāsata upāstāpi nārthadā puruṣa-dviṣām
7.14.41		puruṣeṣv api rājendra supātraṁ brāhmaṇaṁ viduḥ tapasā vidyayā tuṣṭyā dhatte vedaṁ hares tanum
7.14.42		nanv asya brāhmaṇā rājan kṛṣṇasya jagad-ātmanaḥ punantaḥ pāda-rajasā tri-lokīṁ daivataṁ mahat

Dona al Bhaktivedanta Library